Qońırat rayonı jol infrastrukturası jaqsılanbaqta
2026-07-21 10:10:00 / Ministrlik
Ózbekstan Respublikası Prezidentiniń 2025-jıl 1-apreldegi "Respublika aymaqların jedel kompleksli rawajlandırıw ushın tańlap alınǵan rayon (qala) larda ámeliy ilajlardı ámelge asırıw haqqında"ǵı PQ-132-sanlı qararına tiykarlanıp, Qońırat rayonın 2025-2026-jıllarda jedel kompleksli rawajlandırıw baǵdarlaması sheńberinde keń kólemli jumıslar alıp barılmaqta.
Bul baǵdarlama sheńberinde Qońırat rayonında jol infrastrukturasın modernizaciyalaw, xalıqqa qolaylı sharayat jaratıw hám transport sistemasın jetilistiriw jumısları ámelge asırılmaqta.
Búgingi kúnde "Qońırat rayonı jollardan paydalanıw" mámleketlik mákemesi tárepinen 95V117 "Qońırat qalası - Ráwshan Seksewilsay DFX" avtomobil jolınıń 3 — 4-km aralıǵında asfalt tósew jumısları alıp barılmaqta.
Bul qurılıs jumısları juwmaqlanǵannan soń, transport qatnawı jáne de qolaylasadı, jol háreketi qáwipsizligi artadı hám xalıq ushın zamanagóy sharayatlar jaratıladı.