Nókis rayonında zamanagóy qusshılıq kompleksi iske tústi
2026-07-18 17:20:00 / Ministrlik
Samarqand wálayatı hákimi A.Boboev basshılıǵındaǵı delegaciya Qaraqalpaqstanǵa keldi. Miymanlardı Ministrler Keńesiniń Baslıǵı F.Ermanov kútip aldı.
Bunnan soń Nókis rayonı aymaǵındaǵı «Inter Agro broylers Nukus» kárxanasınıń ashılıw máresimi bolıp ótti.
Ashılıw saltanatına Qaraqalpaqstan Respublikası Ministrler Keńesi Baslıǵı F.Ermanov, Samarqand wálayatı hákimi A.Boboev, Nókis rayonı hákimi Z.Zaytov hám keń jámiyetshilik wákilleri qatnastı.
Onda shıǵıp sóylewshiler jıynalǵanlardı jańa kárxana ashılıwı múnásibeti menen qutlıqladı hám kárxana jumısları menen jaqınnan tanıstı.
Atap ótiw orınlı, ulıwma 7 mln. dollar qarjı tiykarında jańadan qurılıp, paydalanıwǵa tapsırılǵan kárxanada 40 jańa jumıs ornı jaratılǵan bolıp, bul kárxana tiykarınan máyek jetistiriwge qánigelesken. Házirgi kúnde máekti qońsı wálayatlarǵa hám sırt elge eksport etilmekte.