Xalıqtıń múrájatları tıńlandı hám unamlı sheshildi.
2026-07-13 10:45:00 / Ministrlik
Usı jerde Beruniy rayonında da Qaraqalpaqstan Respublikası Ministrler Keńesi Baslıǵınıń jasalma intellekt máseleleri boyınsha keńesgóyi A.Dosımbetovtıń qabıllawı bolıp ótti. Qabıllaw dawamında puqaralardan 13 másele kelip túsken bolıp, medicinalıq emleniw ushın order alıw, turaq jaydı atına ótkeriwdegi tosqınlıqlar, sonday-aq, ishki kóshelerde asfaltlaw jumısların alıp barıw máselelerindegi múrájatlar kórip shıǵıldı.
Qánigelerdiń qatnasıwında huqıqıy túsinikler beriw menen birge, mashqalalı múrájatlardı ornına shıǵıp úyrengen halda juwap beriletuǵınına kelisip alındı. Bir múrájattıń artında bir insannıń táǵdiri, bir shańaraqtıń abadan turmısı turǵan eken hár bir múrájat qadaǵalawda bolıwı hám sheshiliwi zárúrligi búgingi kúnniń eń tiykarǵı wazıypası esaplanadı.