Qaraqalpaqstan Respublikası Ministrler Keńesi

Sóylesiw waqtında Qaraqalpaqstan Respublikasında, sonıń ishinde, Nókis rayonında ámelge asırılıwı rejelestirilip atırǵan perspektivalı investiciyalıq joybarlar, sanaattı rawajlandırıw, awıl xojalıǵı ónimlerin tereń qayta islew, zamanagóy óndiris quwatlıqların shólkemlestiriw hám jańa jumıs orınların jaratıwǵa qaratılǵan baslamalar boyınsha pikir alısıldı.

Ushırasıw dawamında Nókis rayonı sanaat zonası hám Minsk ashıq ekonomika zonası arasında birge islesiӯ boyınsha kelisimge qol qoyıldı.

Bunnan soń Grodno wálayatı atqarıw komitetiniń baslıǵı Yuriy Karayev hám Qaraqalpaqstan Respublikası Ministrler Keńesi Baslıǵınıń orınbasarı, investiciyalar, sanaat hám sawda ministri V.Jollıbekov, Nókis rayonı hákimi Z.Zaytovlar ushırastı.

Ushırasıwda tárepler Grodno wálayatı hám Qaraqalpaqstan Respublikası menen sawda-ekonomikalıq, ilimiy-texnikalıq hám mádeniy tarawlar haqqındaǵı kelisimge qol qoydı. Sonıń menen birge ótken jılı Nókis rayonı hám Grodno rayonı ortasındaǵı kelisim elede dawam etetuǵının bildirdi.

Ushırasıwlar juwmaǵında tárepler óz-ara paydalı birge islesiwdi izbe-iz dawam ettiriw, investiciyalıq joybarlardı ámeliy basqıshqa alıp shıǵıw hám aymaqlar arasındaǵı sheriklik baylanısların bunnan bılay da rawajlandırıw baǵdarında keleshekte de tıǵız birge islesiwge tayar ekenligin bildirdi.

Sapar dawamında Belarus Respublikası aymaǵında qurılıs materialların islep shıǵarıw, sanaat hám basqa da kárxanalarında bolıp, ol jerdegi jumıs processleri menen jaqınnan tanıstı.