"Insan qádiri ústin: puqaralardıń múrájatları ámeliy sheshim tappaqta"
2026-07-09 11:35:00 / Ministrlik
Qabıllaw dawamında turaq jay, kadastr, bántlik, materiallıq járdem, bilimlendiriw hám basqa da sociallıq áhmiyetke iye máseleler boyınsha múrájatlar kelip tústi. Hár bir múrájat nızamshılıq talapları tiykarında kórip shıǵılıp, ayırım máseleler ornında sheshildi, qosımsha úyreniwdi talap etetuǵın múrájatlar bolsa orınlanıwı boyınsha anıq múddetler belgilengen halda tiyisli shólkemlerge jiberildi.
Puqaralardıń múrájatları menen islesiw, olardıń mashqala hám usınıslarına óz waqtında sheshim tabıw mámleketlik uyımlar jumısınıń tiykarǵı baǵdarlarınan biri bolıp esaplanadı. Sonlıqtan, hár bir múrájat óz aldına qadaǵalawǵa alınıp, orınlanıwı boyınsha sistemalı monitoring alıp barılmaqta.
Bunday qabıllawlar xalıq penen ashıq pikirlesiwdi bekkemlew, puqaralardı oylandırıp atırǵan mashqalalardı óz waqtında saplastırıw hám mámleketlik uyımlarǵa bolǵan isenimdi jáne de arttırıwǵa xızmet etedi.