Hár bir múrájat qadaǵalawda, hár bir insan itibarda
2026-07-09 11:25:00 / Ministrlik
Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedova tárepinen puqaralardıń múrájatların óz waqtında kórip shıǵıw, olardıń mashqala hám usınıslarına sheshim tabıw maqsetinde gezektegi qabıllawı bolıp ótti.
Qabıllaw dawamında puqaralar tárepinen turaq jay, bántlik, materiallıq hám medicinalıq járdem alıw hám basqa da sociallıq máseleler boyınsha múrájatlar bildirildi. Hár bir múrájat hár tárepleme úyrenilip, olardı nızamshılıq sheńberinde sheshiw boyınsha juwapkerlerge tiyisli tapsırmalar berildi.
Sonday-aq, ayırım máseleler ornında unamlı sheshilgen bolsa, qosımsha úyreniw talap etiletuǵın múrájatlardıń orınlanıwı qadaǵalawǵa alınıp, belgilengen tártipte kórip shıǵılatuǵını atap ótildi.
Puqaralar menen ashıqtan-ashıq sóylesiw, olardıń mashqala hám usınısların tıńlaw jáne ámeliy sheshimler islep shıǵıw mámleketlik uyımlar jumısınıń tiykarǵı baǵdarlarınan biri bolıp, bul baǵdardaǵı jumıslar izbe-iz dawam ettiriledi.