Puqaralardıń múrájatları — turaqlı itibarda
2026-06-30 18:50:00 / Ministrlik
Ushırasıw dawamında puqaralar tárepinen bildirilgen onnan aslam múrájatlar hár tárepleme kórip shıǵıldı. Qabıllaw dawamında tiykarınan tómendegi múrájatlar bildirildi:
* Jer uchastkalarınan nátiyjeli paydalanıw hám ajıratıw;
* Sociallıq qorǵawǵa mútáj qatlamlarına materiallıq járdem kórsetiw;
* Isbilermenlik jumısın rawajlandırıw ushın jeńilletilgen bank kreditlerin ajıratıw;
* Turaq jay sharayatların jaqsılaw hám kommunallıq tarawdaǵı mashqalalardı sheshiw.
Qabıllaw procesinde hár bir múrájat puqta úyrenildi. Puqaralardıń jer hám isbilermenlik ushın kreditler ajıratıw boyınsha usınıs hám shaǵımları boyınsha tiyisli strukturalıq hám bank tarawınıń juwapkerleri qatnasıwında huqıqıy túsinikler berildi. Anıqlanǵan mashqalalarǵa nızamlı hám unamlı sheshimler tabıw ilajları kórildi.
Qabıllaw juwmaqlarına bola, orınlanıwı waqıt talap etetuǵın, qosımsha úyreniw hám qarjı talap etetuǵın múrájatlar boyınsha anıq ilajlar belgilendi. Bul máselelerdi belgilengen múddetlerde sheshiw boyınsha juwapkerlerge qatań tapsırmalar berildi hám olardıń orınlanıwı qadaǵalawǵa alındı.