Qaraqalpaqstan Respublikası Ministrler Keńesi

Usı ilajlardıń orınlanıwın támiyinlew maqsetinde Qıtay Xalıq Respublikasınıń eki jetekshi xalıqaralıq eksperti Qaraqalpaqstan Respublikasına keldi. Sapar dawamında Qaraqalpaqstan Respublikası Ministrler Keńesi Baslıǵınıń Finans, ekonomika hám kámbaǵallıqtı qısqartıw máseleleri boyınsha birinshi orınbasarı A.Shamuratov penen ushırasıw bolıp ótti.

Ushırasıw dawamında ámelge asırılatuǵın dala-izertlew jumıslarınıń basqıshları, qum kóshiwi qáwpi bar bolǵan magistral jol átirapların kóklemzarlastırıw hám zamanagóy ilimiy qatnaslardı engiziw máseleleri hár tárepleme dodalandı. Sapar etiw dawamında sırt elli qánigeler hám taraw ilimpazlarınan ibarat birgeliktegi jumısshı topar dúzilip, olar tárepinen Qaraqalpaqstannıń shól zonalarında tikkeley orınǵa shıqqan halda úyreniw jumısları hám tereńlestirilgen tallawlar ótkeriliwi rejelestirilgen. Bunnan gózlengen tiykarǵı maqset - qum kóshiwiniń aldın alıw, shorlanǵan topıraqlardıń ónimdarlıǵın arttırıw hám aymaqtıń ekologiyalıq turaqlılıǵın támiyinlewde Qıtaydıń aldınǵı texnologiyaların hám tájiriybesin engiziwden ibarat.