Qaraqalpaqstan Respublikası Ministrler Keńesi

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, búgingi bayram múnásibeti menen jıynalǵanlardı qutlıqladı.

Elimizde húrmetli Prezidentimizdiń basshılıǵında málimleme hám sóz erkinligin támiyinlew, ǵalaba xabar quralların hár tárepleme qollap-quwatlaw, taraw pidayıların múnásip xoshametlew, xalıqqa qalıs hám isenimli málimlemelerdi jetkeriw, barlıq tarawlarda ámelge asırılıp atırǵan reformalardı xalıq arasında keńnen úgit-násiyatlaw baǵdarında keń kólemli jumıslar ámelge asırılmaqta.

Mámleketimizdiń jámiyetlik-siyasiy, sociallıq-ekonomikalıq turmısında júz berip atırǵan ózgerisler hám jańalanıwlardı, ásirese «Insan qádiri ushın» ideyası astında islenip atırǵan jumıslardı keń jámiyetshilikke jetkeriw, xalqımızdıń turmısında ushırasıp atırǵan másele hám mashqalalardı úyreniw, olarǵa unamlı sheshim tabıw jolında taraw xızmetkerleri tárepinen alıp barılıp atırǵan dóretiwshilik miynet joqarı bahalanadı.

Dóretiwshilerdiń kásiplik bayramı múnásibeti menen baspasóz hám ǵalaba xabar quralları tarawı xızmetkerlerine «Ibratli hayal», «Watan pidayısı» hám «Úmit ushqını» kókirek belgileri hám bahalı sawǵalar tapsırıldı.

Ótkerilgen bayram saltanatı mádeniyat hám kórkem óner xızmetkerleri tárepinen tayarlanǵan koncert baǵdarlaması menen dawam etti hám bayram dasturxanı jayıldı.