Jeke qabıllawda puqaralardıń mashqalaları tıńlanıp, ámeliy sheshimler belgilendi
2026-06-25 10:15:00 / Ministrlik
ótkerilgen jeke qabıllaw dawamında puqaralardıń múrájatları hár tárepleme úyrenilip, olardı qıynap kiyatırǵan mashqalalar boyınsha tiyisli juwapkerlerge anıq tapsırmalar berildi.
Qabıllaw procesinde puqaralar tárepinen bir qatar sociallıq áhmiyetke iye máseleler kóterildi. Atap aytqanda, Nókis rayonında jasawshı puqara K.Pirnazarova inisiniń joqarı oqıw ornındaǵı kontrakt tólemin ámelge asırıwda ámeliy járdem soradı. Bul múrájat boyınsha bar imkaniyatlar úyrenilip, máseleni unamlı sheshiw boyınsha tiyisli juwapkerlerge wazıypalar júklendi.
Sonday-aq, medicina birlespesinde jumıs alıp barǵan puqara V.Upatullaeva óz jumısına qayta tikleniw máselesinde múrájat etti. Múrájat nızamshılıq talapları tiykarında kórip shıǵılıwı hám jaǵdayǵa huqıqıy baha berilip, ádil sheshim tabılıwı boyınsha juwapkerlerge tiyisli kórsetpeler berildi.
Bunnan tısqarı, Nókis qalasında jasawshı puqara G.Seydanova materiallıq járdem alıw máselesinde múrájat etken, bul puqaralardıń da mashqalaları tıńlanıp, olardıń sociallıq jaǵdayı hám mútájlikleri tereń úyreniliwi, zárúr járdem kórsetiw ilajların kóriw boyınsha tiyisli shólkemlerge tapsırmalar berildi.
Jeke qabıllaw dawamında hár bir múrájat ayrıqsha itibar menen kórip shıǵıldı. Puqaralardı oylandırıp atırǵan mashqalalardı sheshiw, olardıń máplerin támiyinlew hám turmıs sapasın jaqsılaw tiykarǵı wazıypa ekeni ayrıqsha atap ótildi.