Xalıqtıń mápleri jolında: gezektegi puqaralar qabıllawı
2026-06-11 12:25:00 / Ministrlik
Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedova tárepinen xalıq penen ashıqtan-ashıq sóylesiwdi támiyinlew, puqaralardıń múrájatların óz waqtında kórip shıǵıw hám mashqalalarǵa sheshim tabıw maqsetinde gezektegi qabıllaw shólkemlestirildi.
Qabıllaw dawamında puqaralardıń sociallıq, ekonomikalıq, turaq jay, bántlik hám basqa da baǵdarlardaǵı múrájatları tıńlanıp, olardı sheshiw boyınsha tiyisli usınıs hám tapsırmalar berildi.
Kóterilgen máselelerdiń ayırımları ornında unamlı sheshilgen bolsa, qosımsha úyreniwdi talap etetuǵın múrájatlar tiyisli juwapkerlerge biriktirilip, orınlanıwı qadaǵalawǵa alındı.
Puqaralar menen ashıqtan-ashıq sóylesiw, olardıń mashqalaların óz waqtında saplastırıw hám nızamlı máplerin támiyinlew baǵdarındaǵı jumıslar izbe-iz dawam ettirilmekte.