Qaraqalpaqstan Respublikası Ministrler Keńesi

Sonı esapqa alǵan halda, elimizde xalıqtıń múrájatları menen islesiw sistemasın bunnan bılay da jetilistiriw, puqaralardıń dárti hám táshwishlerin óz waqtında sheshiw, mámleketlik uyımlar jumısınıń ashıq-aydınlıǵın hám xalıqshıllıǵın támiyinlew máseleleri turaqlı dıqqat orayımızda turǵanın ayrıqsha atap ótiwimiz zárúr.

Usı mánide, Húrmetli Prezidentimizdiń basshılıǵında "Xalıqtıń múrájatları menen islesiw sistemasın bunnan bılay da jetilistiriw, múrájatlardı kórip shıǵıw nátiyjeliligin arttırıw hám orınlardaǵı bar mashqalalardı sistemalı sheshiw" máselelerine arnalǵan videoselektor májilisinde áhmiyetli wazıypalar belgilep berildi. Usı tapsırmalardıń orınlanıwın támiyinlew maqsetinde Qaraqalpaqstan Respublikasında da múrájatlar menen islesiwdiń zamanagóy hám nátiyjeli mexanizmlerin engiziw, puqaralar menen tikkeley pikirlesiwdi kúsheytiw, kóshpeli qabıllawlardıń sanın arttırıw hám hár bir múrájattıń mazmun-mánisine tereń qatnas jasaw boyınsha izbe-iz jumıslar alıp barılmaqta.

Usı jerde, bıyılǵı jıl dawamında Qaraqalpaqstan Respublikasında fizikalıq hám yuridikalıq táreplerdiń múrájatları menen islesiw, olardı óz waqtında hám sapalı kórip shıǵıw boyınsha sistemalı jumıslar ámelge asırılǵanın atap ótiw kerek.

Esap beriw dáwirinde, Prezident Virtual hám Xalıq qabıllawxanaları arqalı Qaraqalpaqstan xalqınan jámi 16 mıń 384 múrájat kelip túsken. Bul kórsetkish ótken jıldıń sáykes dáwirine salıstırǵanda

1,1 procentke azayǵan.

Sonnan, kórip shıǵılǵan 13 mıń 25 múrájattıń 7 mıń 365 (56,5%) unamlı sheshilgen, 5 mıń 660 múrájatqa túsinik berilgen, 3 mıń 359 múrájat kórip shıǵıw procesinde.

Mámleketimiz basshısı tárepinen xalıqtıń razılıǵın támiyinlew maqsetinde alıp barılıp atırǵan keń kólemli reformalar nátiyjesinde, yaǵnıy aymaqlarda investiciya hám mikrojoybarlardıń iske túsiriliwi arqalı xalıqtıń bántligi támiyinleniwi hám xalıqtıń sociallıq mashqalalarınıń sheshiliwi nátiyjesinde tómendegi máselelerde múrájatlar sanınıń azayıwı hám xalıqtıń razılıǵına erisildi.

Sonıń ishinde,

- Turaq jay menen támiyinlew máselesinde (267/133) - 49% azayǵan;

- Jasaw sharayatların jaqsılaw, turaq jaydı ońlaw hám qurıw ushın járdem máselesinde (603/330) - 46%;

- Emleniw hám xirurgiyalıq ámeliyat ushin materiallıq járdem máselesinde (343/260) - 25%;

- Jumıs penen támiyinlew sorawı máselesinde (576/438) - 24%;

- Atqarıw hújjetleri boyınsha qarızdı óndiriw máselesinde (322/268) - 17%;

- Jınayatlarǵa, sonıń ishinde, aldawshılıqqa baylanıslı xabarlar máselesinde (195/169) - 13% azayǵan.

Sonday-aq, jámiyetlik múrájatlar sanı ótken jılǵa salıstırǵanda

4,5 procentke kemeygen (156/149).

Jámáátlik múrájatlarda tiykarınan tómendegi máseleler kóterilgen.

Ishki jollardı ońlaw (20), miynet haqı tólew (11), tergew háreketlerinen narazılıq (8), elektr tarmaqların qurıw (6), qıytaq jerin suwǵarıw (3), kópirdi ońlaw (3), buzılǵan úylerge kompensaciya beriw (2) hám basqa da máseleler kóterilgen.

Xalıqtıń mashqalaların úyreniw, olarǵa sheshim tabıw maqsetinde ministrlikler hám shólkemlerdiń basshıları, hákimler tárepinen máhállelerde kóshpeli qabıllawlar shólkemlestirildi.

Sonıń ishinde, usı jıldıń 5 ayı dawamında basshılar tárepinen

2 750 kóshpeli qabıllaw shólkemlestirildi, qabıllawlarda kelip túsken

6 977 múrájattıń 3 437 i unamlı sheshilgen,

1 619ına tiykarlı túsinikler berilgen hám 1 975 múrájat kórip shıǵılmaqta.

Bunnan tısqarı, Ózbekstan Respublikası Prezidentiniń

2026-jıl 1-apreldegi PF-51-sanlı pármanında, Qaraqalpaqstan Respublikası Ministrler Keńesiniń Baslıǵı, wálayatlar hám Tashkent qalası, rayon (qala) hákimleri tiyisli Xalıq qabıllawxanasına jámiyetlik tiykarda basshılıq etedi jáne barlıq rayon (qala) hákimleri turaqlı túrde Xalıq qabıllawxanasında puqaralardı jeke qabıllap barıwı belgilengen edi.

Nátiyjede, rayon hám qala hákimleri hám olardıń orınbasarlarınıń jeke qabıllawları kestesi islep shıǵılǵan hám tiyislisinshe hákimliklerdiń veb-saytları hám telegram kanallarında jaylastırılıp, usı jıldıń iyun ayınan baslap qabıllawlar ótkerilip kelinbekte.

Maǵlıwmat ushın, usı jıldıń 1-6 iyun kúnleri 86 qabıllaw ótkerilgen. Qabıllawlarda 192 múrájat tıńlanıp, 33 i ornında unamlı sheshilgen.

Húrmetli watanlaslar! Keleshekte de múrájatlar menen islesiw nátiyjeliligin arttırıw, puqaralardı qıynap atırǵan mashqalalardı óz waqtında sheshiw hám xalıqtıń mámleketlik uyımlarǵa bolǵan isenimin bunnan bılay da bekkemlew boyınsha jumıslar izbe-iz dawam ettiriledi.

Itibarıńız ushın raxmet.