Nókis qalası hákimliginde jasalma intellektke tiykarlanǵan "Aqıllı qabıllawxana" joybarı iske túsirildi
2026-06-09 17:15:00 / Ministrlik
Nókis qalası hákimliginde jasalma intellektke tiykarlanǵan "Aqıllı qabıllawxana" joybarı iske túsirildi
Qaraqalpaqstan Respublikasında sanlı transformaciyanı rawajlandırıw sheńberinde birinshi márte Nókis qalası hákimliginde jasalma intellekt tiykarında isleytuǵın "Aqıllı qabıllawxana" járdemshi platforması jumısı jolǵa qoyıldı.
Bul innovaciyalıq platforma xalıq penen tikkeley sóylesiwdi jedellestiriw hám múrájatlar menen islesiw sistemasın sanlastırıwǵa xızmet etedi. Endi puqaralar qala hákimi hám onıń orınbasarlarına óz arzaların hám jazba, hám awızsha (dawıslı) tárizde jiberiwi múmkin. Jasalma intellekt sisteması kelip túsken múrájatlardı avtomatikalıq túrde qayta isleydi hám orınlaw ushın juwapkerlerge jiberedi.
Bul joybardıń engiziliwi qala basqarıwında ashıq-aydınlıqtı támiyinlew hám xalıqtıń mashqalaların jedel sheshiwde áhmiyetli qádem boldı.