«Bozataw fest» jaslar hawazı festivalı mıń-mıńlap jaslardı ózinde jámledi
2026-06-06 09:30:00 / Ministrlik
Festivalda elimizdiń barlıq aymaǵınan qatnasıwshılar – óz aymaqlarında teńsiz dep tabılǵan jas talant iyeleri hám miymanlar qatnastı.
Sıylıqlaw saltanatında Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, festivalda múnásip qatnasıp, joqarı natiyjelerdi qolǵa kirgizgen jaslardı qızǵın qutlıqladı.
Onda Qaraqalpaqstan Respublikası Ministrler Keńesiniń Baslıǵı F.Ermanov, Ózbekstan Jaslar isleri agentligi direktorı A.Sadullaev qatnastı.
Bunnan soń, barlıq baǵdarlar boyınsha jeńimpaz bolǵan, óz jónelisinde teńsiz dep tabılǵanlardan birinshi orın iyelerine 50 million sum, ekinshi orınlarǵa 30 million sum, úshinshi orınlarǵa 20 million sum pul sıylıǵı tapsırıldı.
Sonday-aq, respublikalıq basqıshtıń basqa barlıq qatnasıwshıları 10 million sumnan sıylıqlandı.
Kórkem óner sheberleriniń, belgili estrada qosıqshılarınıń hám jas atqarıwshılardıń koncert baǵdarlaması, salyutlar shousı qatnasıwshılar menen miymanlarda ayrıqsha tásir qaldırdı.
Bozataw shın mánisinde jańa talantlardı júzege shıǵardı desek aljaspaǵan bolamız.