Keleshegimiz iyelerine sheksiz mehir hám itibar
2026-06-01 18:05:00 / Ministrlik
Balalar — turmısımız quwanıshı, shańaraqlarımızdıń payızı hám elimiz keleshegi. Ásirese, bayram kúnlerinde emlew orınlarında jatırǵan, ayrıqsha kútimge mútáj balalarǵa quwanısh baǵıshlaw, olardıń kewlin kóteriw hár birimizdiń insanıylıq parızımız esaplanadı.
Usı múnásibet penen, búgin Qaraqalpaqstan Respublikası Ministrler Keńesiniń Baslıǵı Farxod Ermanov Respublikalıq balalar kóp tarmaqlı medicina orayına bardı.
Ministrler Keńesiniń Baslıǵı orayda emlenip atırǵan balalardı bayram menen qızǵın qutlıqladı. Emlewxanada jatırǵan balalardıń tezirek sawalıp ketiwin tilep, olarǵa quwanısh baǵıshlaw maqsetinde arnawlı bayram sawǵaları tarqatıldı.
Ushırasıw dawamında shıpakerler hám ata-analar menen de sáwbet ótkerilip, balalardıń densawlıǵın tiklew ushın jaratılǵan sharayatlar menen tanıstırıldı. Bunday qayırlı hám itibarǵa ılayıq ilajlar balalardıń ruwxıy jaqtan átirapınan kúsh alıwına hám tezirek ayaqqa turıwına xızmet etetuǵını ayrıqsha atap ótildi.
Júzlerinde quwanısh hám úmit jaynaǵan balalar hám olardıń ata-anaları kórsetilgen joqarı itibar, ǵamxorlıq ushın ózleriniń sheksiz minnetdarshılıǵın bildirdi.