Qaraqalpaqstan Respublikası Ministrler Keńesi

Ushırasıw dawamında geologiyalıq-izlew jumısların ámelge asırıw, perspektivalı kánlerdi anıqlaw hám ózlestiriw, sonday-aq, paydalı qazılmalardı qazıp alıw tarawında birge islesiwdi rawajlandırıw máseleleri dodalandı.

Ushırasıw juwmaǵında tárepler arasında geologiya-izlew hám qazıp alıw baǵdarlarında birge islesiwdi jolǵa qoyıwǵa qaratılǵan memorandumǵa qol qoyıldı. Bul hújjet aymaqtıń mineral-shiyki zat bazasın keńeytiw, zamanagóy texnologiyalardı tartıw, jańa investiciyalıq joybarlardı ámelge asırıw hám jańa jumıs orınların jaratıwǵa xızmet etedi.

Tárepler memorandum sheńberinde óz-ara paydalı birge islesiwdi izbe-iz rawajlandırıw, perspektivalı joybarlardı birgelikte ámelge asırıw hám tarawdıń eksport potencialın arttırıw baǵdarında tıǵız birge islesiwge kelisip aldı.