"Jasıl energetika" tarawında xalıqaralıq birge islesiw bekkemlenbekte
2026-05-21 15:45:00 / Ministrlik
Sóylesiwler dawamında ulıwma bahası 32,5 million AQSh dolların quraytuǵın bul joybardı aymaqta ámelge asırıwdıń shólkemlestiriwshilik hám texnikalıq tárepleri hár tárepleme dodalandı. Atap aytqanda, qayta tikleniwshi energiya dáreklerinen nátiyjeli paydalanıw, ekologiyalıq taza janılǵı islep shıǵarıwdı jolǵa qoyıw hám zamanagóy innovaciyalıq texnologiyalardı engiziw máselelerine ayrıqsha itibar qaratıldı.
Sonday-aq, joybar sheńberinde Qaraqalpaqstan Respublikasınıń bar potencialı, shiyki zat bazası hám investiciyalıq imkaniyatları boyınsha pikir alısılıp, biogaz islep shıǵarıw quwatlıqların shólkemlestiriw hám avtomobil janılǵısı islep shıǵarıwdı lokalizaciyalaw perspektivaları kórip shıǵıldı.
Tárepler bul joybar aymaq ekonomikasın rawajlandırıw, jańa jumıs orınların jaratıw, ekologiyalıq turaqlılıqtı támiyinlew hám "jasıl ekonomika" principlerin keńnen engiziwde úlken áhmiyetke iye ekenin atap ótti.
Ushırasıw juwmaǵında joybar boyınsha sóylesiwlerdi dawam ettiriw hám óz-ara paydalı birge islesiwdi jáne de keńeytiw boyınsha kelisimge erisildi.