Nızamshılıq hújjetleriniń mazmun-mánisin úgit-násiyatlawǵa qaratılǵan "Hákimlik saatları" ilajı ótkerildi
2026-05-21 11:35:00 / Ministrlik
Qaraqalpaqstan Respublikası Ministrler Keńesi tárepinen gezektegi "Hákimlik saatları" ilajı shólkemlestirildi. Onda Ministrler Keńesiniń bas yuriskonsulti P.Mangitov tárepinen jámiyetlik hám mámleketlik turmıs ushın áhmiyetli bolǵan nızamshılıq hújjetleriniń mazmun-mánisi, olardıń ámeliy áhmiyeti hám orınlanıwın támiyinlew máseleleri boyınsha túsindiriw jumısları alıp barıldı.
Ilaj dawamında temalar tiykarınan Qaraqalpaqstan Respublikasın sociallıq-ekonomikalıq rawajlandırıw boyınsha Prezidentimizdiń 2026-jılda qabıl etilgen párman hám qararları haqqında boldı.
Ilaj sońında qatnasıwshılar tárepinen bildirilgen soraw hám usınıslar tıńlanıp, olardıń hár birine tiyisli qánigeler tárepinen tolıq juwaplar berildi. Sonday-aq, aymaqlarda ámelge asırılıp atırǵan reformalar hám keleshektegi wazıypalar boyınsha zárúr maǵlıwmatlar usınıldı.