Zıyanlı illetlerge qarsı gúres — bárshemizdiń wazıypamız.
2026-05-20 10:35:00 / Ministrlik
Ilajlar dawamında Respublikalıq jumısshı topar aǵzası I.Choriyev hám juwapker shólkemler, bilimlendiriw mákemeleriniń wákilleri, huqıq qorǵaw uyımları hám taraw qánigeleri tárepinen náshebentliktiń jámiet hám insan salamatlıǵına unamsız tásiri haqqında hár tárepleme túsindiriw jumısları alıp barıldı. Ásirese, jas áwladtı jat ideyalar hám zıyanlı ádetlerden qorǵaw, olardıń bos waqtın mazmunlı shólkemlestiriw búgingi kúnniń áhmietli wazıypalarınan biri ekeni atap ótildi.
Sonday-aq, ilajlarda salamat turmıs tárizi, sport hám kitapqumarlıqtı keńnen úgit-násiyatlaw, jaslardı Watanǵa sadıqlıq, joqarı mánawiyat hám seziniwshilik ruwxında tárbiyalaw máselelerine de ayrıqsha itibar qaratıldı.
Bul ruwxıy-aǵartıwshılıq ushırasıwlar jaslar arasında náshebentlikke mawasasız qatnastı qáliplestiriw, olardıń huqıqıy sanası hám ideologiyalıq immunitetin bekkemlewde úlken áhmiyetke iye bolmaqta.