Ellikqalada kóshpeli qabıllaw
2026-05-15 16:50:00 / Ministrlik
Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı, Awıl xojalıǵı ministri K.Aytbaev Ellikqala rayonında fermer xojalıqları basshılarınıń qatnasında kóshpeli qabıllaw ótkerdi.
Qabıllawda jeńilletilgen kredit alıw hám egislik maydanlarına suw jetkerip beriw boyınsha múrájatlar bildirildi. Kredit boyınsha múrájatlar sol jerdiń ózinde óz sheshimin taptı. Suw máseleleri boyınsha múrájattı sheshiw ushın juwapkerlerge tapsırmalar berildi.
Bul kóshpeli qabıllaw fermerlerge óz máselelerin tikkeley jetkeriw hám tez arada sheshiw imkaniyatın jarattı. K.Aytbaevtıń bul qabıllawı fermerlerdiń isine kómeklesiw hám awıl xojalıǵın rawajlandırıwǵa qaratılǵan áhmiyetli qádem boldı.