Qaraqalpaqstan Respublikası Ministrler Keńesi

Mádeniy sayaxattıń ekinshi bólimi "Tashkent City" aymaǵında dawam etti. Ol jerde Joqarı bilimlendiriw, ilim hám innovaciyalar ministri Qońıratbay Sharipov Qaraqalpaqstanlı studentler menen sáwbetlesti.

Ushırasıw dawamında Innovaciyalıq texnologiyalar universiteti studentleri Islam civilizaciyası orayında kórgen ekspoziciyalar, tariyxıy dárekler hám ata-babalar miyrası olarda úlken tásir qaldırǵanın atap ótti. Jaslar bunday sapar etiwler olardıń dúnyaqarası, milliy maqtanıshı hám ilimge bolǵan qızıǵıwshılıǵın jáne de arttıratuǵının atap ótti.

Sóylesiw waqtında mámleketimizde studentler ushın jaratılıp atırǵan keń imkaniyatlar, bilimlendiriwdiń sapası hám jaslardıń intellektuallıq potencialın qollap-quwatlawǵa qaratılǵan reformalar haqqında hár tárepleme pikir alısıldı. Atap aytqanda, joqarı bilimlendiriwge qamtıp alıwdı keńeytiw, zamanagóy bilim hám kónlikpelerdi qáliplestiriw, xalıqaralıq bilimlendiriw baǵdarlamaların engiziw hám studentlerdiń ilimiy hám innovaciyalıq belsendiligin xoshametlew baǵdarında ámelge asırılıp atırǵan jumıslar haqqında sóz júritildi.

Sonday-aq, jaslardıń startap hám innovaciyalıq ideyaların qollap-quwatlaw, olardı ilimiy izertlewlerge keńnen tartıw, zamanagóy kásip hám texnologiyalardı iyelewi ushın zárúr sharayatlar jaratıw máselelerine ayrıqsha itibar qaratıldı. Studentler ózlerin qızıqtırǵan sorawlar, baslama hám usınısların alǵa qoyıp, keleshekte elimizdiń rawajlanıwına múnásip úles qosıw tilegin bildirdi.