Mashqalalar tıńlandı, sheshimler belgilendi
2026-05-14 10:30:00 / Ministrlik
Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedova tárepinen xalıq penen ashıqtan-ashıq sóylesiwdi támiyinlew, puqaralardıń múrájatların óz waqtında kórip shıǵıw hám mashqalalarǵa sheshim tabıw maqsetinde gezektegi qabıllaw shólkemlestirildi.
Qabıllaw dawamında puqaralar tárepinen bántlik, sociallıq járdem, turaq jay, kommunallıq xızmetler hám basqa da baǵdarlarǵa baylanıslı múrájatlar bildirildi. Hár bir múrájat hár tárepleme úyrenilip, juwapker shólkem basshılarınıń qatnasıwında olardı sheshiw boyınsha tiyisli tapsırmalar berildi.
Sonday-aq, ayırım máseleler ornında unamlı sheshilip, qosımsha waqıt hám úyreniw talap etiletuǵın múrájatlar qadaǵalawǵa alındı. Puqaralar menen ashıq hám qızǵın sóylesiw alıp barılıp, olardıń usınısları menen baslamalarına ayrıqsha itibar qaratıldı.
Bunday qabıllawlar xalıq penen tikkeley qarım-qatnastı bekkemlew, bar mashqalalardı sistemalı sheshiw hám xalıqtıń máplerin támiyinlewde úlken áhmiyetke iye bolmaqta.