Xalıqtıń múrájatları itibar orayında
2026-05-06 20:20:00 / Ministrlik
Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedova tárepinen xalıq penen ashıqtan-ashıq sóylesiwdi támiyinlew, puqaralardıń múrájatların óz waqtında kórip shıǵıw hám mashqalalarǵa sheshim tabıw maqsetinde gezektegi qabıllaw shólkemlestirildi. Qabıllaw dawamında túrli tarawlarǵa baylanıslı múrájatlar tıńlanıp, hár bir másele hár tárepleme úyrenildi.
Puqaralar tárepinen tiykarınan turaq jay, bántlik hám sociallıq járdem máselelerine baylanıslı múrájatlar kóterildi. Juwapker basshılar hám tiyisli shólkemlerdiń wákilleri qatnasıwında ótkerilgen qabıllaw procesinde múrájatlardıń bir bólegi ornında sheshildi, qalǵanları boyınsha anıq múddet hám juwapkerler belgilendi.
Sonday-aq, múrájat etiwshilerge huqıqıy túsinikler berilip, olardıń mashqalaların saplastırıw boyınsha zárúr ilajlar islep shıǵıldı. Hár bir múrájat ayrıqsha qadaǵalawǵa alınıp, orınlanıwın támiyinlew boyınsha sistemalı jumıslar alıp barılmaqta.
Bunday qabıllawlar xalıq penen ashıq hám nátiyjeli sóylesiwdi jolǵa qoyıw, puqaralardıń mámleketlik uyımlarǵa bolǵan isenimin jáne de bekkemlewde úlken áhmiyetke iye.