Xalıqtıń múrájatları tıńlanıp, mashqalalardıń sheshimi qadaǵalawǵa alındı.
2026-05-02 11:50:00 / Ministrlik
Puqaralar tárepinen turaq jay, jumıs penen támiyinlew, isbilermenlik jumısın qollap-quwatlaw, kommunallıq xızmetler, sociallıq járdem hám infrastrukturaǵa baylanıslı múrájatlar bildirildi. Hár bir múrájat juwapker shólkemlerdiń qatnasıwında hár tárepleme úyrenilip, olardı sheshiw boyınsha anıq wazıypalar belgilendi.
Qabıllaw dawamında ayırım múrájatlar ornında unamlı sheshilgen bolsa, qosımsha waqıt hám úyreniwdi talap etetuǵın máseleler tiyisli tártipte qadaǵalawǵa alındı. Puqaralar menen ashıqtan-ashıq sóylesiw alıp barılǵanı xalıqtıń mámleketlik uyımlarǵa bolǵan isenimin jáne de bekkemlewge xızmet etpekte.
Bunday qabıllawlar xalıq penen tıǵız pikirlesiwdi támiyinlew, mashqalalardı óz waqtında anıqlaw hám olardıń nátiyjeli sheshimine erisiwde úlken áhmiyetke iye.