Qaraqalpaqstanda "Shet tillerin úyretiw boyınsha eń jaqsı mektep" tańlawınıń Respublika basqıshına start berildi
2026-05-01 11:10:00 / Ministrlik
Ózbekstan Respublikası Prezidenti sıylıǵı ushın ótkeriletuǵın "Shet tillerin úyretiw boyınsha eń jaqsı mektep" tańlawınıń Qaraqalpaqstan Respublikası basqıshı baslandı.
Bul tańlaw Ózbekstan Respublikası Ministrler Kabinetiniń 2021-jıl 9-sentyabrdegi 562-sanlı qararına muwapıq shólkemlestirilip, shet tillerin oqıtıw sapasın jáne de arttırıw, aldıńǵı tájiriybelerdi ǵalaba en jaydırıw hám qábiletli oqıwshılardı qollap-quwatlawǵa qaratılǵan.
📍 Tańlawda rayon (qala) basqıshlarında jeńimpaz bolǵan eń kúshli mektep komandaları qatnaspaqta.
🗣 Ashılıw máresiminde taraw basshıları shıǵıp sóylep, barlıq qatnasıwshılarǵa tabıslar tiledi hám bunday tańlawlar bilimlendiriwdiń sapasın jańa basqıshqa alıp shıǵıwda úlken áhmiyetke iye ekenligin atap ótti.
🤔 Eń múnásip mektepler tańlap alınatuǵın bul tańlawda bárshege áwmet tileymiz!