Kegeyli rayonı “Iyshan-qala” APJ aymaǵında Qaraqalpaqstan Respublikası Ministrler Keńesiniń Baslıǵı F.Ermanov basshılıǵında gezektegi kóshpeli qabıllaw shólkemlestirildi.
2026-04-29 09:40:00 / Ministrlik
Bul kóshpeli qabıllawdan gózlengen tiykarǵı maqset - xalıq penen ashıqtan-ashıq sóylesiw, olardı qıynap atırǵan mashqalalardı ornına shıqqan halda úyreniw hám sheshim tabıwdan ibarat. Qabıllawda puqaralardıń múrájatları tikkeley tıńlanıp, hár bir másele ayrıqsha itibar menen kórip shıǵıldı.
Qabıllaw dawamında xalıqtan tiykarınan ishki jollardı ońlaw hám jaǵdayın jaqsılaw, ishimlik suwı támiynatın turaqlastırıw, kadastr hújjetlerin rásmiylestiriwde júzege kelip atırǵan mashqalalar, sonday-aq, qıytaq jerlerdi suwǵarıw ushın suw támiynatı máseleleri boyınsha múrájatlar kelip tústi.
Kóterilgen hár bir másele respublika kólemindegi tiyisli shólkem hám uyımlardıń basshıları qatnasıwında úyrenildi. Ayırım múrájatlar ornında unamlı sheshildi, qosımsha úyreniwdi talap etetuǵın máseleler bolsa juwapkerlerge biriktirilip, anıq múddetler belgilep berildi.