Xalıqtıń múrájatları — dıqqat orayında
2026-04-11 10:20:00 / Ministrlik
Qabıllaw dawamında jámi 27 puqaranıń múrájatları kórip shıǵıldı. Olardıń kópshiligi ornında óziniń unamlı sheshimin tapqan bolsa, sheshimi waqıt talap etetuǵın múrájatlarǵa huqıqıy túsinikler berildi hám tiyisli shólkemlerge múddet belgilenip, orınlaw ushın jiberildi. Qabıllawda tiykarınan turaq jay, bántlik, kadastr máseleleri, ishki jollardı ońlaw, sociallıq járdem, infrastruktura máseleleri, bank krediti hám basqa da máseleler boyınsha múrájatlar bildirildi.
Ministrler Keńesiniń Baslıǵı tárepinen hár bir múrájat ayrıqsha qadaǵalawǵa alınıp, juwapker shólkemlerdiń basshılarına anıq tapsırmalar berildi. Sonday-aq, múrájatlardıń óz waqtında hám sapalı orınlanıwın támiyinlew boyınsha qatań qadaǵalaw ornatılatuǵını atap ótildi.
Bunday ashıqtan-ashıq sóylesiwler puqaralar menen tikkeley baylanıstı bekkemlew, olardıń isenimin arttırıw jáne aymaqtaǵı áhmiyetli mashqalalardı sistemalı sheshiwde úlken áhmiyetke iye.