PRESS-TUR ÓTKERİLDİ
2026-04-08 16:15:00 / Ministrlik

İlajdan gózlengen maqset tutınıwshılarǵa kórsetilip atırǵan xızmettiń sapasın jaqsılaw baǵdarında ámelge asırılıp atırǵan jumıslar menen jaqınnan tanıstırıwdan ibarat boldı. Usı máselelerge qızıǵıwshılıq bildirgen ǵalaba xabar qurallarınıń wákilleri Taqıyatas rayonında jumıs júrgizip atırǵan temir-beton ónimleri cexında bolıp, islep shıǵarıw processi menen jaqınnan tanıstı. Filial quramındaǵı bul kárxanada aymaqta júrgizilip atırǵan keń kólemli rekonstrukciya-modernizaciya jumısları ushın oǵada xárúr bolǵan ónimler-tayanısh baǵanaları, fundament blokları, traversler islep shıǵarılmaqta. Bunnan soń jurnalistler rayon aymaǵında júrgizilip atırǵan rekonstrukciya-modernizaciya jumısları menen tanıstı. Ol jerde jurnalistler filialdıń juwapkerli xızmetkerleri, rayonlıq elektr támiynlewshi basshıları, sonday-aq aymaqta jasawshı puqaralar menen sáwbetlesip, ózlerin qızıqtırǵan sorawlarǵa juwaplar aldı.

