Puqaralardıń múrájatları itibarda: mashqalalarǵa ámeliy sheshimler berilmekte
2026-03-19 19:05:00 / Ministrlik
Búgin Qaraqalpaqstan Respublikası Ministrler Keńesiniń Baslıǵı Farxod Ermanov tárepinen puqaralar menen gezektegi jeke qabıllaw ótkerildi. Qabıllaw procesinde jámi 11 múrájat kórip shıǵılıp, hár bir múrájat iyesiniń mashqalası hár tárepleme tıńlandı hám úyrenildi.
Múrájatlardıń tiykarǵı bólegin turaq jay menen támiyinlew, bántlik máseleleri hám hár qıylı sociallıq mashqalalar quradı. Puqaralar tárepinen bildirilgen usınıs hám mashqalalar boyınsha juwapkerlerdiń qatnasıwında hár tárepleme dodalaw ótkerildi.
Qabıllaw dawamında ayırım múrájatlar ornında unamlı sheshilip, tiyisli túsinikler berildi. Qosımsha úyreniwdi talap etetuǵın máseleler bolsa tiyisli shólkemler hám uyımlarǵa jiberilip, olardıń orınlanıwı qatań qadaǵalawǵa alındı.
Puqaralardıń múrájatları menen islesiw, olardıń dárti hám táshwishlerin óz waqtında saplastırıw jáne turmıslıq mashqalalarına ámeliy sheshim tabıw baǵdarındaǵı jumıslar sistemalı túrde dawam ettirilmekte.