Xalıqtıń múrájatları itibar orayında
2026-03-17 10:20:00 / Ministrlik
Bul kóshpeli qabıllawda Ámiwdárya rayonı hákiminiń orınbasarı, Shańaraq hám hayal-qızlar bóliminiń baslıǵı Gozal Saburova, tiyisli shólkem hám mákemelerdiń juwapkerleri, máhálle belsendileri qatnasıp, puqaralardıń múrájatların tıńladı.
Qabıllaw dawamında puqaralar tárepinen turaq jaydı ońlaw, isbilermenlik jumısın jolǵa qoyıw ushın jeńilletilgen kredit alıw, turaqlı jumıs penen támiyinlew, sociallıq qorǵaw máseleleri, materiallıq járdem ajıratıw hám densawlıǵı menen baylanıslı mashqalalar boyınsha emleniw ushın ámeliy járdem kórsetiw boyınsha múrájatlar bildirildi.
Hár bir múrájat juwapkerler tárepinen hár tárepleme úyrenilip, ayırım máseleler ornında sheshildi. Qosımsha úyreniw talap etiletuǵın múrájatlar boyınsha tiyisli shólkem basshılarına anıq wazıypalar belgilep berildi hám orınlanıwı qadaǵalawǵa alındı.