Moynaqta mashqalalar tıńlandı - sheshimler tabıldı!
2026-03-17 10:15:00 / Ministrlik
Moynaq rayonında Qaraqalpaqstan Respublikası Ministrler Keńesi Baslıǵınıń orınbasarı A.Allaniyazov tárepinen kóshpeli qabıllaw ótkerildi.
Qabıllawda 20 ǵa shamalas puqara qatnasıp, ózlerin qızıqtırǵan bir qatar máseleler menen múrájat etti. Atap aytqanda, máhállelerdegi kóshelerge túngi jaqtılandırıwlardı ornatıw, suwǵarıw sistemasında jasıl energiya dáreklerinen paydalanıw, isbilermenlikti rawajlandırıw hám úy aldı qıytaq jerlerde ıssıxanalar shólkemlestiriw ushın jeńilletilgen kredit ajıratıw máseleleri kóterildi.
Múrájatlardıń derlik barlıǵı ornında sheshildi. Turaq jay menen baylanıslı, qosımsha úyreniwdi talap etetuǵın múrájatlar bolsa juwapkerler tárepinen qatań qadaǵalawǵa alındı. Bunday ashıq sóylesiwler xalıq hám mámleket arasındaǵı isenimdi jáne de bekkemlep, aymaqlardı rawajlandırıwǵa xızmet etpekte.