Korrupciyaǵa qarsı gúresiw hám komplayens qadaǵalaw sistemasın jetilistiriw máseleleri dodalandı
2026-03-06 19:20:00 / Ministrlik
Bul májiliste Ministrler Keńesi hám tiyisli shólkemlerdiń xızmetkerleri menen bir qatarda ministrlikler hám uyımlardıń komplayens qadaǵalaw xızmetiniń wákilleri jáne puqaralıq jámiyeti institutlarınıń wákilleri de qatnastı.
Májilis dawamında korrupciyaǵa qarsı gúresiw boyınsha alıp barılıp atırǵan jumıslar, bar mashqalalar hám olardı saplastırıw boyınsha kórilip atırǵan ilajlar dodalandı. Sonday-aq, shólkemler hám uyımlarda engizilgen komplayens qadaǵalaw xızmetleriniń jumısın bunnan bılay da jetilistiriw, olardıń nátiyjeliligin arttırıw jáne ashıq-aydınlıqtı támiyinlew máselelerine ayrıqsha itibar qaratıldı.
Sonday-aq, jaqsı nátiyjelerge erisip kiyatırǵan komplayens qadaǵalaw xızmetiniń wákilleri óz tájiriybeleri menen bólisip, korrupciyanıń aldın alıwǵa qaratılǵan nátiyjeli ámeliyatlar hám usınısların bildirip ótti.
Májilis juwmaǵında juwapker basshılarǵa korrupciyanıń aldın alıwǵa qaratılǵan ilajlardı sistemalı túrde ámelge asırıw, tastıyıqlanǵan jumıs rejeleriniń óz waqtında hám sapalı orınlanıwın támiyinlew boyınsha tiyisli tapsırmalar berildi.