Sanaat tarawında investiciyalıq birge islesiw máseleleri dodalandı
2026-03-04 20:35:00 / Ministrlik
Sóylesiw dawamında elimizde sanaattı rawajlandırıw, jańa jumıs orınların jaratıw hám eksport potencialın arttırıwǵa qaratılǵan perspektivalı joybarlar dodalandı.
Ushırasıwdıń tiykarǵı baǵdarları sıpatında duzdı qayta islew hám metallurgiya sanaatın rawajlandırıw máseleleri kórip shıǵıldı. Qıtaylı investorlar tárepinen zamanagóy texnologiyalardı engiziw, óndiris quwatlıqların keńeytiw hám ónimlerdi tereń qayta islew arqalı joqarı qosımsha qun jaratıw boyınsha usınıslar bildirildi.
Ministrler Keńesiniń Baslıǵı óz gezeginde aymaqta investorlar ushın jaratılǵan qolaylı sharayatlar, bar infrastruktura imkaniyatları haqqında maǵlıwmat berdi. Sonday-aq, investiciyalıq joybarlardı jedel hám nátiyjeli ámelge asırıw boyınsha ámeliy birge islesiw mexanizmlerin jolǵa qoyıw áhmiyetli ekenligi atap ótildi.