Universitette ilimiy-izertlew hám innovaciyalıq iskerlikti rawajlandırıw máselelerine baǵıshlanǵan ashıq pikirlesiw ótkerildi
2026-02-23 10:55:00 / Media ilajlar
Ilaj sheńberinde Ilimiy isler hám innovaciyalar boyınsha prorektor M.Artıqbaev hám tiyisli bólim baslıǵı B.Ibodullaevlar tárepinen universitette alıp barılıp atırǵan ilimiy izlenisler, innovaciyalıq joybarlar, ámeliy izertlewlerdiń nátiyjeleri, aldaǵı rejeler hám bar mashqalalar boyınsha tolıq maǵlıwmatlar berildi. Sonday-aq, ilimiy jumıs nátiyjeliligin arttırıw, jas ilimpazlardı qollap-quwatlaw, grant joybarlarında belsene qatnasıw hám ilim nátiyjelerin ámeliyatqa engiziw boyınsha ámelge asırılıp atırǵan jumıslar ayrıqsha atap ótildi.
Ashıqtan-ashıq sóylesiw procesinde qatnasıwshılar tárepinen bildirilgen pikir-usınıslar tıńlanıp, bar mashqalalar boyınsha soraw-juwaplar ótkerildi hám olardı saplastırıw boyınsha anıq wazıypalar belgilep alındı.
Ilajda ǵalaba xabar qurallarınıń wákilleri, professor-oqıtıwshılar, ilimiy xızmetkerler belsene qatnasıp, ilimiy jumıstı bunnan bılay da rawajlandırıw baǵdarındaǵı pikir hám usınısların bildirdi.
Bul ashıqtan-ashıq sóylesiw universitette ilim hám innovaciyalardı rawajlandırıw, ilimiy birge islesiwdi keńeytiw hám keleshektegi tiykarǵı baǵdarlardı belgilewde úlken áhmiyetke iye boldı.