#Press_tur
2026-02-23 10:25:00 / Media ilajlar
Press-tur dawamında jurnalistler shigitti joqarı sapa kórsetkishlerine sáykes halda tayarlaw, onı kesellik hám zıyankeslerden qorǵaw, ónimdarlıqtı arttırıwǵa xızmet etetuǵın innovaciyalıq texnologiyalar procesi menen tanıstı. Qánigeler tárepinen tuqım tayarlaw basqıshları, zamanagóy úskenelerdiń imkaniyatları hám agrotexnikalıq talaplarǵa qatań ámel etiwdiń áhmiyeti haqqında tolıq maǵlıwmat berildi.
Sonday-aq, ıssıxana xojalıqlarında jıl dawamında turaqlı ónim jetistiriw, eksportqa qolaylı ónim kólemin arttırıw hám jańa jumıs orınların jaratıw baǵdarında ámelge asırılıp atırǵan perspektivalı joybarlar tanıstırıldı.
Bul press-turda Ózbekstan telekanalı, Ózbekstan Milliy málimleme agentligi, Qaraqalpaqstan teleradiokanalı jurnalistleri hám xabarshıları qatnasıp, rayonda ámelge asırılıp atırǵan keń kólemli reformalar hám perspektivalı joybarlar menen jaqınnan tanıstı.
Ilaj dawamında ǴXQ wákilleri tárepinen taraw qánigelerine sorawlar berilip, awıl xojalıǵın modernizaciyalaw, ónimdarlıqtı arttırıw hám eksport potencialın keńeytiw baǵdarındaǵı keleshektegi rejeler dodalandı.