Qońıratlı jas sportshı motokross jarısında sıylı orındı iyeledi
2026-02-23 10:15:00 / Ministrlik
Ózbekstan Respublikası qorǵanıwına kómeklesiwshi "Vatanparvar" shólkeminiń Qońırat rayonı oqıw sport-texnika orayınıń sporchıları Surxandárya wálayatı Jarqorǵan rayonında ótkerilgen Ózbekstan chempionati birinshiligi moto-kross jarısınıń birinshi basqıshında qatnastı.
Jarıs dawamında sporchılar bálentlik hám tegis emes jollarda tezlik, teńsalmaqlılıq hám shıdamlılıq boyınsha óz-ara bellesip, tamashagóylerge qızıqlı jarıslardı kórsetti.
Bul jarısta Qaraqalpaqstan Respublikası atınan qatnasqan qońıratlı sporchı Quralbaev Erlan sıylı 3-orındı iyelep, diplom hám estelik sawǵaları menen sıylıqlandı.