Qaraqalpaqstan Respublikası Ministrler Keńesi

✅Jıynalısta Jámiyetlik keńestiń 2025-jılda ámelge asırılǵan jumısları boyınsha málimleme berildi. Atap ótilgenindey, Keńes 15 aǵzadan ibarat bolıp, olardıń 9 ı puqaralıq jámiyeti institutlarınıń wákilleri bolıp esaplanadı. Bul bolsa jámiyetlik qadaǵalawdı kúsheytiw hám mámleketlik uyımlardıń jumısında ashıq-aydınlıqtı támiyinlewge xızmet etpekte.

Keńes komissiyasınıń baslıǵı R.Aybergenov óziniń shıǵıp sóylegen sózinde Ózbekstan Respublikası Prezidentiniń 2025-jıl 30-yanvardaǵı PP-16-sanlı Pármanı - "Ózbekstan-2030" strategiyasın "Qorshaǵan ortalıqtı qorǵaw hám "jasıl ekonomika" jılı"nda ámelge asırıwǵa baylanıslı mámleketlik baǵdarlamanıń orınlanıwı sheńberinde jámiyetlik monitoringler ótkerilgenin atap ótti. Monitoringler nátiyjesinde tiyisli usınıslar kirgizildi.

Sonday-aq, 2025-jıl dawamında Jámiyetlik keńestiń bir qatar májilisleri ótkerilip, mámleketlik uyımlar jumısınıń ashıq-aydınlıǵı, xalıqtıń múrájatları menen islesiw nátiyjeliligi hám MKShlar menen birge islesiwdi keńeytiw máseleleri dodalandı.

️ Dodalaw procesinde qatnasıwshılar tárepinen 2026-jılı tómendegi tiykarǵı wazıypalardı ámelge asırıw usınıs etildi:

- jámiyetlik monitoringti rayon hám qala dárejesinde sistemalı jolǵa qoyıw;

- mámleketlik uyımlardıń ashıqlıq indeksin engiziw;

- MKShlardıń qatnasın kúsheytiw arqalı korrupciyaǵa qarsı jámiyetlik qadaǵalawdı bekkemlew.

📌 Májilis juwmaǵında:

- Jámiyetlik keńestiń 2025-jıldaǵı jumısı qanaatlandırarlı dep tabıldı;

- 2026-jılǵa mólsherlengen jumıs rejesi tastıyıqlandı;

- ministrlikler hám uyımlar janındaǵı jámiyetlik keńeslerdiń jumısın muwapıqlastırıw hám metodikalıq járdem beriw ilajları belgilep alındı;

- hár sherektiń juwmaǵı boyınsha ámelge asırılǵan jumıslar jámiechilikke járiyalanıp barılıwı belgilendi.

️Jámiyetlik qadaǵalawdı kúsheytiw hám ashıq-aydınlıqtı támiyinlew jolındaǵı jumıslar izbe-iz dawam ettiriledi.