Korrupciyaǵa qarsı gúresiw hám jınayatshılıqtıń aldın alıw ilajlarınıń orınlanıwı máseleleri keń túrde talqılandı
2026-02-09 10:35:00 / Ministrlik
Májiliste jınayatshılıq hám huqıqbuzarlıqtıń aldın alıw, jámiyetlik qáwipsizlikti támiyinlew, orınlarda túrli jınayatlardı boldırmaw baǵdarında alıp barılıp atırǵan jumıslar hám bul baǵdardaǵı jol qoyılıp atırǵan qáte-kemshilikler haqqında sóz etildi. Sonday-aq, jaslar menen tıǵız islesiw, olardı hár tárepleme qollap-quwatlaw, ruwxıylıq hám aǵartıwshılıq tarawında belgilengen wazıypalardıń orınlanıwın támiyinlew máseleleri de kórip shıǵıldı.
Ótkerilgen majilis dawamında máhállelerde tınıshlıqtı saqlaw, jámiyetlik qáwipsizlikti hám puqaralardıń tınıshlıǵın támiyinlew, jaslar arasında jınayatshılıqtı boldırmaw, máhállelerdegi sociallıq profilaktikalıq ilajlardıń alıp barılıwı máseleleri keń túrde talqılandı.
Bunnan tısqarı, korrupciyanıń aldın alıw baǵdarındaǵı ilajlar boyınsha respublika prokurorı, jınayatshılıqtıń aldın alıw hám kriminogen jaǵdaydı turaqlastırıw ilajları haqqında Ishki isler ministri, sonday-aq, ruwxıylıq hám aǵartıwshılıq tarawındaǵı jumıslardıń barısı boyınsha Joqarǵı Keńestiń komitet baslıǵınıń bayanatları tıńlandı.
Májiliste orınlarda jol qoyılıp atırǵan qáte-kemshilikler kórsetip ótilip, ayırım basshılardıń óz wazıypasına nemquraylıq penen qarap atırǵanı sınǵa alındı.