Qıtay mámleketiniń “Shenzhen Anxun Technology Co. Ltd.” kompaniyası menen Jasalma intellekt maǵlıwmatlar orayın qurıw boyınsha shártnamaǵa qol qoyıw máresimi bolıp ótti
2026-02-07 16:20:00 / Ministrlik
Shártnamanıń tiykarǵı maqseti Qaraqalpaqstan Respublikasında jasıl energiya islep shıǵarıw, joqarı nátiyjeli energiya saqlaw sistemaları hám jańa áwlad esaplaw orayın (Data Centre) jaratıw bolıp esaplanadı.
Joybar tómende kórsetilgen úsh basqıshtan ibarat bolıp, 2026-2028-jıllar dawamında ámelge asırılıwı rejelestirilgen:
a) fotoelektr stanciyaların qurıw;
b) energiyanı saqlaw sistemaların iske túsiriw hám esaplaw orayın basqıshpa-basqısh keńeytiw; v) tolıq óndiris quwatlılıǵına erisiw hám xalıqaralıq esaplaw xızmetleri bazarına shıǵıw.
Birinshi basqıshta $115 mln muǵdarında investiciya kirgiziw názerde tutılǵan. Joybardıń ulıwma investiciya kólemi úshinshi basqısh qamtıwına qarap 450 mln dollarǵa jetiwi múmkin.
Maǵlıwmat ushın: 2016-jılı shólkemlestirilgen, Shenchjen qalasında jaylasqan “Shenzhen Anxun Technology Co. Ltd.” kompaniyası jasalma intellekt, esaplaw quwatlılıǵı, kiberqáwipsizlik hám arnawlı ASIC (Samsung) chiplerin islep shıǵıwǵa qánigelesken Qıtaydıń milliy joqarı texnologiyalı kárxanalarınan esaplanadı.