Moynaq rayonında Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedovanıń kóshpeli qabıllawı ótkerildi.
2026-01-30 10:55:00 / Ministrlik
Qabıllaw dawamında puqaralardıń múrájatları úyrenilip, olardı qıynap kiyatırǵan mashqalalar boyınsha sáwbetler alıp barıldı.
Qabıllaw procesinde sociallıq qorǵaw, bántlikti támiyinlew, isbilermenlikti rawajlandırıw, densawlıqtı saqlaw hám huqıqıy másláhátlerge baylanıslı múrájatlar kórip shıǵıldı. Hár bir múrájat ayrıqsha qadaǵalawǵa alınıp, ámeldegi nızamshılıq sheńberinde tiyisli túsinikler berildi.
Qabıllaw juwmaǵında múrájatlarda kóterilgen máselelerdi sheshiw boyınsha juwapkerlerge anıq tapsırmalar berilip, olardıń orınlanıwı qatań qadaǵalawǵa alınatuǵınlıǵı belgilendi. Bunday qabıllawlar puqaralardıń mashqalaların óz waqtında anıqlaw hám nátiyjeli sheshim tabıwǵa xızmet etpekte.