Aymaqtı sociallıq-ekonomikalıq jaqtan rawajlandırıw máseleleri dodalandı
2026-01-29 09:45:00 / Ministrlik
Búgin Qaraqalpaqstan Respublikası Ministrler Keńesiniń Baslıǵı Farxod Ermanov Franciya rawajlanıw agentligi (FTA)nıń Tashkent qalasındaǵı wákilxanasınıń direktorı Olivier Grandvoinet basshılıǵındaǵı delegaciya aǵzaları menen ushırastı.
Ushırasıw dawamında Respublikamızdıń sociallıq-ekonomikalıq potencialın bunnan bılay da arttırıw, qurılıs tarawın rawajlandırıw, zamanagóy infrastruktura obyektlerin qurıw, turizm baǵdarında bar imkaniyatlardan nátiyjeli paydalanıw hám jańa investiciyalıq joybarlardı turmısqa engiziw máseleleri hár tárepleme dodalandı.
Ushırasıw juwmaǵında tárepler óz-ara birge islesiwdi bunnan bılay da bekkemlew, anıq joybarlar boyınsha kelisimlerge erisiw hám investiciyalıq baslamalardı basqıshpa-basqısh ámelge asırıw boyınsha kelisip aldı.