Qaraqalpaqstanda puqaralar ushın sırt elde jumıs imkaniyatları keńeymekte
2026-01-28 10:05:00 / Ministrlik
Yarmarkada rawajlanǵan sırt ellerdegi joqarı dáramatlı bos jumıs orınları tanıstırılıp, qatnasıwshılarǵa jumıs sharayatları, miynet haqı, jasaw hám sociallıq kepillikler haqqında tolıq maǵlıwmatlar berildi.
Ilaj Qaraqalpaqstan Respublikası Joqarǵı Keńesi,Ózbekstan Respublikası Ministrler Kabineti janındaǵı Migraciya agentligi, Qaraqalpaqstan Respublikası Kámbaǵallıqtı qısqartıw hám bántlik ministrligi hám jeke menshik bántlik agentlikleri menen birgelikte shólkemlestirildi.
Sonday-aq, yarmarka sheńberinde Qaraqalpaqstan Respublikası aymaǵındaǵı bar bolǵan bos jumıs orınları da usınılıp, óz elinde jumıs islewdi qálegen puqaralar ushın da imkaniyatlar jaratıldı.
Qatnasıwshılar sırt elde jumıs islew tártibi, hújjetlerdi rásmiylestiriw hám til úyreniw máseleleri boyınsha qánigelerden másláhátler aldı.