Qaraqalpaqstan Respublikası Ministrler Keńesiniń Baslıǵı Nókis qalasında jaslar menen ushırastı
2026-01-09 17:10:00 / Ministrlik
Ushırasıw dawamında jaslar ózlerin qızıqtırǵan túrli máseleler boyınsha erkin pikir alısıp, usınıs hám baslamaların bildirdi. Ministrler Keńesiniń Baslıǵı tárepinen bolsa mámleketimizde jaslarǵa jaratılǵan keń imkaniyatlar, olardıń bilim alıwı, kásip-óner iyelewi, bántligi, isbilermenlik penen shuǵıllanıwı hám sociallıq belsendiligin arttırıw baǵdarında ámelge asırılıp atırǵan jumıslarǵa hár tárepleme toqtap ótildi. Ushırasıw ashıq, konstruktivlik hám kóterińki ruwxta ótti.
Ushırasıw juwmaǵında 2025-jıl dawamında óziniń belsendiligi, intakerligi hám úlgili jumısı menen ajıralıp turǵan, eń úlgili jaslar jetekshileri "Top-100" dizimine kirgizilgen jaslar hám olardıń ata-analarına minnetdarshılıq xatları hám estelik sawǵaları saltanatlı túrde tapsırıldı. Bul tán alıw jaslardı jáne de belsendi bolıwǵa shaqırıw, ata-analardıń perzentler tárbiyasındaǵı juwapkershiligin tán alıw menen úlken áhmiyetke iye boldı.
Bul ushırasıw jaslar menen ashıq pikirlesiwdi jolǵa qoyıw, olardıń jámiyetlik turmıstaǵı ornın bekkemlew hám keleshektegi tiykarǵı wazıypalardı belgilep alıwda úlken áhmiyetke iye boldı.