"Korrupciyaǵa qarsı gúresiw jolında" atamasındaǵı grant joybarı sheńberinde ushırasıw bolıp ótti.
2025-12-26 15:30:00 / Ministrlik
Nókis mámleketlik texnika universitetinde Ózbekstan Tóreshilik sudları associaciyasınıń Qaraqalpaqstan Respublikası filialı tárepinen "Korrupciyaǵa qarsı gúresiw jolında" atamasındaǵı grant joybarı sheńberinde ushırasıw bolıp ótti.
Ilajda mayıplıǵı bolǵan studentlerge "Korrupciya ne hám onıń aqıbetleri" temasında huqıqıy maǵlıwmatlar berildi, sonday-aq, bunday jaǵdaylarda durıs háreket etiw, sanlı texnologiyalardı korrupciyaǵa qarsı gúresiwde qollanıw hám korrupciyanıń aldın alıwǵa qaratılǵan ámeliy usınıslar berildi.
Bul joybar Ózbekstan Respublikası Oliy Majlisi janındaǵı Puqaralıq jámiyeti institutların qollap-quwatlaw jámiyetlik fondınıń Qaraqalpaqstan Respublikası aymaqlıq bólimi tárepinen qarjılandırıldı.
Ilajǵa Nókis mámleketlik texnika universitetiniń studentleri hám ǵalaba xabar qurallarınıń wákilleri qatnastı.