Jańa jıl bayramı múnásibeti menen balalarǵa Prezident sawǵaları tapsırıldı
2025-12-25 17:40:00 / Ministrlik
Ilajǵa Qaraqalpaqstan Respublikası Ministrler Keńesiniń Baslıǵı F.Ermanov qatnasıp, balalardı jańa jıl bayramı menen qızǵın qutlıqladı hám Prezidentimizdiń sawǵaların saltanatlı túrde tapsırdı.
Bayram ilajında balalardıń quwanıshı, olardıń keleshegine bolǵan isenimin bekkemlew, mehir-múriwbet hám itibar ortalıǵın jaratıw áhmiyetli ekenligi ayrıqsha atap ótildi. Prezidentimizdiń turaqlı itibarı hám ǵamxorlıǵı nátiyjesinde balalardıń máplerin qorǵaw, olardıń tálim-tárbiyası hám salamat rawajlanıwı ushın keń imkaniyatlar jaratılıp atırǵanı atap ótildi.
Ilaj dawamında balalar ushın kórkem shıǵıwlar kórsetildi, bayram ilajları shólkemlestirildi. Bul ilaj Jańa jıl bayramın kóterińki ruwxta kútip alıw, balalardıń kewlinde jaqsılıq hám isenim sezimlerin jáne de bekkemlewge xızmet etti.