Kásiplik bilimlendiriw sistemasında sapa hám nátiyjelilik: bar mashqalalar hám tiykarǵı wazıypalar dodalandı
2025-12-19 19:15:00 / Ministrlik
Búgingi kúnde kásiplik bilimlendiriw shólkemleriniń jumısın nátiyjeli shólkemlestiriw, kadrlar tayarlaw sapasın arttırıw hám miynet bazarınıń real talaplarına sáykes qánigelerdi jetistiriw áhmiyetli máselelerden biri bolıp qalmaqta. Ushırasıwda kásiplik bilimlendiriwde oqıw procesiniń sapası, materiallıq-texnikalıq bazanıń jaǵdayı, zamanagóy oqıw-metodikalıq támiyinlew dárejesi, ámeliy sabaqlardıń óndiris talapları menen tolıq úylestirilmegeni, pitkeriwshilerdiń bántligin támiyinlew baǵdarında sistemalı qatnas jetispey atırǵanı sonday aq, jumıs beriwshiler menen birge islesiw máseleleri sın kózqarastan tallandı.
Sonday-aq, jumıs beriwshiler menen birge islesiwdi kúsheytiw, dual bilimlendiriw mexanizmlerin keńnen engiziw, pedagog kadrlardıń mamanlıǵın turaqlı arttırıw hám bilimlendiriwdiń mazmunın zamanagóy texnologiyalar tiykarında jańalaw zárúrligi ayrıqsha atap ótildi.
Májilis juwmaǵında juwapkerlerge anıqlanǵan kemshiliklerdi saplastırıw, hár bir bilimlendiriw mákemesiniń jumısın tereń tallaw hám anıq nátiyjege baǵdarlanǵan ilajlar rejesin islep shıǵıw boyınsha tapsırmalar berildi. Atap ótilgenindey, kásiplik bilimlendiriw sistemasında sapa hám nátiyjelilikti arttırıw keshiktirip bolmaytuǵın wazıypa bolıp, bul baǵdarda barlıq dárejedegi basshılar jeke juwapkershilikti tereń sezingen halda mánzilli ilajlardı ámelge asırıw tiykarǵı wazıypa etip belgilendi.