Nókis qalasında jańa sport imaratları paydalanıwǵa tapsırıldı
2025-12-13 10:40:00 / Ministrlik
Ózbekstan Respublikası Prezidentiniń 2023-jıl 25-dekabrdegi "2024-2026-jıllarda Sociallıq óndiris infrastrukturasın rawajlandırıw ilajları haqqında"ǵı PQ-404-sanlı qararı menen tastıyıqlanǵan Nókis Olimpiya hám paralimpiya sport túrlerine tayarlaw orayında jańadan qurılǵan sport zalı, Asxana hám rekonstrukciyadan shıqqan jataqxanalardıń ashılıw máresimi bolıp ótti.
Onda Qaraqalpaqstan Respublikası Ministrler Keńesi Baslıǵınıń orınbasarı Bayram Ótemuratov, Qaraqalpaqstan Respublikası Sport ministri Erkinbay Qutıbaev hám sport veteranları, keń jámiyetshilik wákilleri qatnasıp, sportshılarımızdıń jańadan paydalanıwǵa tapsırılıp atırǵan sport zalınıń ashılıwı menen qutlıqlap, bul orınlarda Aziya, Jáhán hám Olimpiada chempionları jetilisip shıǵıwına tilek bildirdi.