Korrupciyaǵa qarsı gúresiw aylıǵı sheńberinde ministrlikler hám uyımlar xızmetkerleriniń qatnasıwında "Ashıq esikler kúni" ótkerildi.
2025-12-12 09:35:00 / Ministrlik
Ilajda Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bóliminiń baslıǵı B.Matmuratov, sonday-aq, tarawǵa baylanıslı qánigeler, ǵalaba xabar qurallarınıń wákilleri qatnastı. Ilajdıń tiykarǵı maqseti mámleketlik uyımlar jumısınıń ashıq-aydınlıǵın, olardıń jámiyetshilik hám puqaralar aldında esap beriwin támiyinlew, xızmetkerlerge korrupciyaǵa qarsı gúresiwde mawasasız poziciyada bolıw, hadallıqtı kásiplik jumıstıń tiykarǵı ólshemi sıpatında kóriw zárúrligi, korrupciyaǵa qarsı gúresiwdiń zamanagóy mexanizmlerin ámeliyatqa engiziwden ibarat boldı.
Ilaj dawamında qatnasıwshılarǵa korrupciyaǵa qarsı gúresiw boyınsha belgilengen tiykarǵı baǵdarlar, mámleketlik uyımlarda hadallıq standartların engiziw, ishki qadaǵalaw mexanizmlerin jetilistiriw hám ashıq maǵlıwmatlar menen islesiw processleri boyınsha taraw qánigeleri tárepinen tolıq maǵlıwmatlar berildi.
"Ashıq esikler kúni" xızmetkerler arasında korrupciyaǵa mawasasız qatnastı kúsheytiw, hadallıq ortalıǵın bekkemlew hám profilaktikalıq ilajlardı jáne de nátiyjeli shólkemlestiriwge xızmet etti. Ilajda qatnasqanlar ózlerin qızıqtırǵan sorawlarına juwapkerler tárepinen juwaplar aldı.