Nókis qalasında jańadan “Kúndizgi kútim” xızmeti jolǵa qoyıldı
2025-11-26 10:35:00 / Ministrlik
Ózbekstan Respublikası Prezidentiniń “Mayıplıǵı bolǵan balalarǵa sociallıq xızmet hám járdem kórsetiw sistemasın bunnan bılay da jetilistiriw boyınsha qosımsha ilajlar haqqında”ǵı qararı menen, Nókis qalasında jaylasqan mektepke shekemgi bilimlendiriw shólkeminde Prezident janındaǵı Sociallıq qorǵaw milliy agentligi Qaraqalpaqstan Respublikası basqarması tárepinen “Kúndizgi kútim” xızmeti jolǵa qoyıldı.
Jańadan ashılǵan bul toparǵa Basqarma janında shólkemlestirilgen Psixologiyalıq-medicinalıq-pedagogikalıq komissiya tekseriwinen ótkerilgen mayıplıǵı bolǵan 7 bala qamtıp alındı.
Bul “Kámbaǵallıqtan abadanlıqqa qaray” baǵdarlamasınıń orınlanıwın támiyinlew, sociallıq xızmet hám járdem kórsetiw kólemin keńeytiw arqalı shańaraqlardıń jumıs islew imkaniyatın sheklewshi faktorlardı saplastırıw sonday-aq, mayıplıǵı bolǵan balalardıń shańaraq qaramaǵında qalıwın támiyinlew maqsetinde jańa sistema tiykarında ámelge asırılmaqta.