KEGEYLI RAYONÍNDA KORRUPCIYAǴA QARSÍ GÚRESIW AYLÍǴÍ SHEŃBERINDE SEMINAR SHÓLKEMLESTIRILDI
2025-11-25 11:50:00 / Ministrlik
Seminarǵa Kegeyli rayonı prokurorı, Kegeyli rayonı huqıqtı qorǵaw xızmetkerleri sonday-aq ulıwma orta bilim beriw mektep direktorları, direktor orınbasarları, ámeliyatshı psixologlar, Mektepke shekemgi bilimlendiriw shólkemi direktorları hám hamshiyraları, xojalıq isleri boyınsha direktor orınbasarları qatnastı
Búgingi kúnde elimiz rawajlanıw jolında tirgek bolar jaslarımız sanasına hám olardıń oqıp bilim alıwına korrupciya siyaqlı illetler óz tásirin kórsetiwine jol qoymaw búginniń áhmiyetli máseleleriniń biri bolıp kelmekte.
Qatnasıwshılarıǵa ilaj dawamında korrupciyanıń mazmun-mánisi, nızam aldındaǵı ayanıshlı aqıbetleri, taraw xızmetkerleri arasında korrupciyalıq jaǵdaylardıń aldın alıw maqsetinde alıp barılıp atırǵan jumıslar haqqında maǵlıwmatlar berildi.